Atyraýda túrli quqyq buzýshylyq jasaǵan 1 113 adamnan saýsaq izi alyndy
«Іs-shara kezinde Atyraý qalasy men aýdandarda 55 340 úı, 1 023 jaldamaly turǵyn jaı, 952 qystaq pen sharýa qojalyqtarynyń nysandary tekserildi. Nátıjesinde zańsyz jaldaýǵa berilgen 313 páter men úı anyqtaldy. Jasóspirimder tarapynan jáne olarǵa qatysty jasalatyn quqyq buzýshylyqtardyń aldyn alýǵa mán berilip otyr. Polıtsııa qyzmetkerleri alkogoldik ishimdik iship júrgen 1, ata-ana qaraýynsyz qalǵan 4, túrli quqyq buzýshylyqtar jasaǵan 131 jasóspirimdi ustady», - dep habarlady departamenttiń baspasóz qyzmeti.
Sondaı-aq, turǵyndar tarapynan shetel azamattaryn qabyldaǵany týraly habarlamaǵan 372 derek anyqtalyp, olar QR Ákimshilik quqyq buzýshylyq týraly kodekstiń 518-babymen jaýapkershilikke tartyldy. Kóshi-qon zańdylyǵyn buzýǵa qatysty 2 726 derek anyqtaldy.
«Onyń ishinde QR Ákimshilik quqyq buzýshylyq týraly kodeksiniń 517-519 babymen el aýmaǵynda kóshi-qon erejelerin saqtamaǵan 478, 492-babyna saı tirkeýsiz júrgen 180, ózge de quqyq buzýshylyq jasaǵan 1 682 adam bar. Polıtsııa organdaryna jetkizilgen 1 113 adamnan saýsaq izi alynyp, foto-vıdeo esebine qoıyldy», - dep málim etti departamenttiń baspasóz qyzmetinen.
Eske sala ketelik, budan buryn Atyraý oblysynda balabaqshany talqandaǵan jasóspirimderdiń ata-analaryna aıyppul salynǵanyn https://kaz.inform.kz/news/atyrau-oblysynda-balabakshany-talkandagan-zhasospirimderdin-ata-analaryna-ayyppul-salyndy_a3993543 jazǵan edik.
Foto: archive.ysia.ru