Atyraýda Túrkııadan Qyrǵyzstanǵa bara jatqan kólikte 22 tonna júk janyp ketti
ATYRAÝ. QazAqparat –Atyraý oblysynda Túrkııadan Qyrǵyzstanǵa bara jatqansheteldik kóliktiń tirkemesi órtenip, 22 tonna júgi janyp ketti, dep habarlaıdy QazAqparat.
Oblystyq Tótenshe jaǵdaılar departamentiniń málimetine súıensek, oqys oqıǵa Isataı
aýdanyndaǵy Janbaı aýylynyń tusynda bolǵan.
«31 tamyzda jergilikti ýaqytpen saǵat 03:00 shamasynda «Astrahan-Atyraý» jolynyń
boıynda sheteldik «MAN» kóliginiń tirkemesi órtendi. Kólik júrgizýshisi Túrkııa azamatynyń aıtýynsha, tirkemege 22 tonna maqta rýlony tıelgen. Júkti Túrkııadan Qyrǵyzstanǵa apara jatqan. Órtti sóndirýge Isataı aýdandyq Tótenshe jaǵdaılar bóliminiń 4 qyzmetkeri men 1 tehnıkasy jumyldyryldy». -dep habarlady departamenttiń baspasóz qyzmeti.
Sheteldik kóliktiń tirkemesindegi júk tolyǵymen janyp ketken. Al kólik kabınasy búlingen joq. Órtten eshkim zardap shekpedi.
Eske sala ketelik, buǵan deıin Atyraýda sheteldik kólik órtengen edi.
