Atyraýda týrıster Qyzyl kitapqa engen tuńǵıyqgúldi julǵan
ATYRAÝ. QazAqparat – Atyraý oblysynda týrısterden Qyzyl kitapqa engen lotos gúlderi tabyldy, dep habarlaıdy QazAqparat tilshisi.
«23-30 tamyzda aralyǵynda óńirde «Taza Qazaqstan» jedel-aldyn alý is-sharasy ótkizilip jatyr. Onyń maqsaty – ekologııa zańyn buzǵandardy anyqtaý jáne jolyn kesý. Іs-shara aıasynda Qurmanǵazy polıtsııa bólimi aýdandyq orman sharýashylyǵy jáne janýarlar dúnıesi ınspektsııasymen birlesip reıd ótkizdi. Qıǵash ózenine jasalǵan reıd kezinde «ıAmaha» markaly motory bar «Býdarka» qaıyǵy tekserildi. Ony Qurmanǵazy aýdany Prımorsk aýyldyq okrýginiń turǵyny júrgizip kele jatqan.
Polıtseıler qaıyqtaǵy alty jolaýshydan Qyzyl kitapqa engen 8 tuńǵıyqgúldi tapty. Olar Atyraýdan Qurmanǵazy aýdanyna gúldengen lotosty tamashalaý úshin arnaıy kelgenderin aıtty. Tártip buzýshylar jazalanady», – dep habarlady oblystyq polıtsııa departamentiniń baspasóz qyzmeti.
Aıta keterligi, tuńǵıyqgúl tek Atyraý oblysynyń Qurmanǵazy aýdanyndaǵy Qıǵash jáne Shora ózenderinde, 5 myń gektar alqapta ósedi.
