Atyraýda turǵyndardyń serýendeýine kedergi keltirgen 15 velosıpedshi jazalandy
Oblystyq polıtsııa departamenti baspasóz qyzmetiniń málimetinshe, Atyraý qalasyndaǵy velosıpedshilerdiń Jaıyq ózeniniń jaǵalaýynda saǵat 19:00-23:00 aralyǵynda júrýine tyıym salynǵan.
«Biraq, velosıpedshiler bul tyıymdy eskermeıdi. Sóıtip, velosıpedshiler tyıym salynǵan ýaqytta jaǵalaýda júrip, turǵyndardyń serýendeýine kedergi keltiredi. Sol sebepten, turǵyndar tarapynan shaǵym kóbeıdi. Osyǵan baılanysty Atyraý qalalyq polıtsııa basqarmasynyń patrýldik polıtsııa quramynan jaıaý patrýldeý beketi uıymdastyryldy. Ótken aptada Jaıyq jaǵalaýynda saǵat 19:00-23:00 aralyǵynda velosıpedpen júrgen 15 adam anyqtaldy» -dep habarlady departamenttiń baspasóz qyzmeti.
Velosıpedpen turǵyndardyń serýendeýine kedergi keltirgenderge qatysty QR Ákimshilik quqyqbuzýshylyq týraly Kodeksiniń 615-babymen ákimshilik hattama toltyrylyp, árqaısysyna 2 aılyq eseptik kórsetkish kóleminde aıyppul salyndy.
Eske sala ketelik, buǵan deıin Atyraýda velosıped urlaǵan jigitke qatysty 11 qylmystyq is tirkelgenin jazǵan edik.