Atyraýda turǵyn úıdiń shatyry órtendi
ATYRAÝ. QazAqparat – Atyraý qalasynda turǵyn úıdiń shatyry órtenip ketti, dep habarlaıdy QazAqparat.
Oblystyq tótenshe jaǵdaılar departamenti baspasóz qyzmetiniń málimetinshe, órt keshe, 19 qyrkúıekte saǵat 16:17 shamasynda tutanǵan.
«Departamenttiń dıspetcherlik pýltine túsken shaqyrtýmen barǵan qutqarýshylar Atyraý qalasynyń Maılın ótkelinde ornalasqan jeke ıeliktegi turǵyn úıdiń shatyry men kireberisi tolyqtaı janǵanyn anyqtady. Jalyn saǵat 16:48-de oqshaýlanyp, saǵat 16:55-te tolyq sóndirildi. Órtti sóndirýge arnaıy qyzmettiń 18 qyzmetkeri men 6 tehnıkasy jumyldyryldy» -dep habarlady departamenttiń baspasóz qyzmeti.
Zardap shekkender joq. Qazir úıdiń ıesi men órttiń shyǵý sebebi anyqtalyp jatyr.
Eske sala ketelik, budan buryn Atyraýda «Aqjaıyq» rezervatynyń 1 gektar aýmaǵy órtengenin habarlaǵan edik.
