Atyraýda turǵyn úıdegi órt tútinine ýlanǵan eki jasóspirim aýrýhanaǵa jetkizilgen
ATYRAÝ. QazAqparat – Atyraýda turǵyn úıdegi órt tútinine ýlanǵan eki jasóspirim aýrýhanaǵa jetkizilgen, dep habarlaıdy QazAqparat.
Buǵan deıin Atyraýda polıtseıler órtengen úıden 60-qa jýyq adamdy evakýatsııalaǵanyn jazǵan bolatynbyz.
Órt búgin, 16 aqpanda saǵat 06:14-te shyqqan. Jalyn Atyraý qalasyndaǵy «Avangard-3» shaǵyn aýdanyndaǵy 5 qabatty úıdiń 3-qabatyndaǵy páterdiń qyltımasy men qonaq bólmesi janǵan. Sonyń saldarynan 4-qabattaǵy páterdiń qyltımasy men bir bólmesi, 5-qabatta ornalasqan páterdiń qyltımasy sharpyǵan. Sondaı-aq, 1-qabattaǵy páterge ornatylǵan salqyndatqysh búlingen.
«Turǵyn úıdegi órt saldarynan 3-qabattaǵy páterdiń turǵyndary – 2006 jáne 2008 jyldary týǵan jasóspirimder tútin ıisine ýlanyp, oblystyq balalar aýrýhanasyna jetkizildi. Olarǵa alǵashqy dárigerlik kómek kórsetilip, saǵat 10:30-da úıine jiberildi. Qazir jasóspirimderdiń jaǵdaıy jaqsy», -dep málim etti oblystyq tótenshe jaǵdaılar departamentiniń baspasóz qyzmetinen.
Jalyn saǵat 06:48-de oqshaýlanyp, saǵat 07:01 tolyq sóndirilgen.
