Atyraýda turǵylyqty meken-jaıy joq 50-ge jýyq adam arnaıy ortalyqqa jetkizildi

ATYRAÝ. QazAqparat – Atyraýda turǵylyqty meken-jaıy joq 50-ge jýyq adam arnaıyortalyqqa jetkizildi, dep habarlaıdy QazAqparat.

Oblystyq Polıtsııa departamenti baspasóz qyzmetiniń aqparatyna qaraǵanda, ýchaskelik

polıtsııa ınspektorlary qıyn ómirlik jaǵdaıǵa tap bolǵan adamdar panalaıtyn oryndardy tekserýdi qolǵa alǵan.

«Aýa-raıy kúrt sýytatyn qysqy mezgilde turǵylyqty meken-jaıy joq adamdar jylý

trassalary men jertólelerdi, qaraýsyz qalǵan saıajaı úıleri sekildi oryndardy panalaıdy. Reıd júrgizgen saqshylardyń mindeti – úı-kúısiz júrgen adamdardyń sýyqta úsip qalýyn boldyrmaý. Osyndaı reıdtik is-sharanyń birinde ýchaskelik polıtsııa qyzmetkerleri turǵylyqty meken-jaıy joq 6 adamdy anyqtap, Atyraý qalalyq polıtsııa basqarmasynyń qabyldaý-taratý ortalyǵyna ornalastyrdy. Al, jyl basynan beri qabyldap-taratý ornyna turǵylyqty meken-jaıy joq 50-ge jýyq adam jetkizildi», -dep habarlady departamenttiń baspasóz qyzmeti.

Eske sala ketelik, budan buryn Atyraýda tún ortasynda balkonda turǵan 4 jasar qutqarylǵanyn habarlaǵan edik.