Atyraýda turaqtandyrý qoryna 605 tonna ónim satyp alynbaq
ATYRAÝ. QazAqparat –Atyraý oblysynda turaqtandyrý qoryna 605 tonna aýyl sharýashylyǵy ónimderi satyp alynady, dep habarlaıdy QazAqparat.
«Atyraý» áleýmettik-kásipkerlik korporatsııasy» AQ janyndaǵy turaqtandyrý qoryna aýyl sharýashylyǵy ónimderin satyp alý bastaldy.
«Bıyl «Felıks» sharýa qojalyǵymen 605 tonna kókónis jetkizýge forvardtyq shart jasadyq. Bul sharýashylyq 361 tonna kartop, 80 tonna pııaz, 50 tonna sábiz, 114 tonna qyryqqabatpen qamtıdy. Daıyn ónim sharýa qojalyǵynyń jeke qoımasynda saqtalady. Turaqtandyrý qoryndaǵy kókónisterdiń baǵasy byltyrǵy deńgeıde qalady», - dedi «Atyraý» ÁKK AQ memlekettik baǵdarlamalardy iske asyrý jáne MJÁ jobalaryn saraptaý departamentiniń basshysy Gúlmıra Meńdiǵalıeva.
Onyń aıtýynsha, buryn turaqtandyrý qoryna nege 1,5 myń tonnadan astam kókónis pen kartop alynǵan. Alaıda bıylǵy odan az bolǵaly tur.
«Sońǵy jyldary bizdiń óńirdiń turǵyndary kókónis tapshylyǵyn sezingen joq. Qysqy mezgilde de baǵa turaqtylyǵy saqtalyp otyr. Biz ótken jyldardaǵy aýyl sharýashylyǵy ónimderin satý protsesin taldadyq. Sodan soń turaqtandyrý qoryna 605 tonna ónim jetkilikti bolady degen qorytyndy jasadyq», - dedi G. Meńdiǵalıeva.
Eske sala ketelik, budan buryn Atyraýda eki kúndik jármeńkede 13 tonna aýyl sharýashylyǵy ónimderi satylǵanyn habarlap edik.
