Atyraýda turaqtandyrý qoryna 2 myń tonna azyq-túlik satyp alyndy

ATYRAÝ. QazAqparat — Atyraýda turaqtandyrý qoryna 2 myń tonnadan astam kartop pen kókónistiń, basqa da qajetti azyq-túliktiń qory satyp alyndy, dep habarlaıdy QazAqparat tilshisi.

Qala ákimdiginiń baspasóz qyzmetinen málim etkendeı, qysqa 700 tonna kartop, 150 tonna pııaz, 115 tonna sábiz jáne 150 tonna qyryqqabattyń qory jınaqtaldy. Bul kartop pen kókónisterdiń maýsymdyq baǵa kóterilýin turaqtandyrý úshin jeterlik. Olardyń quny naryq baǵasynan 10-30% tómen satatyn bolady.

«Sondaı-aq, turaqtandyrý qoryna 1060 tonna 1-surypty un satyp alyp, ony naýbaıhanalarǵa berý týraly sheshim qabyldandy. Bul sharalar olardyń nan baǵasyn ustap turýy úshin qoldanylmaq», - dedi «Atyraý» áleýmettik-kásipkerlik korporatsııasynyń departament dırektory Dmıtrıı Dıý.

Avtory: A. Sokolov