Atyraýda turaqtandyrý qoryna 1 myń tonna un jetkizildi
«Atyraý» Áleýmettik kásipkerlik korporatsııasy» AQ-nyń departament dırektory Dmıtrıı Dıýdyń málim etýinshe, astyqty aımaqtardan 1000 tonna un jetkizilgen. Buǵan qosa taǵy 60 tonna undy aldaǵy aptada ákelý kózdelip otyr.
«Un Atyraý qalasyndaǵy 8 naýbaıhananyń suranysymen bólinedi. Qazir naýbaıhanalarda pisirilgen áleýmettik nan 79 teńgeden satylyp jatyr. Budan ózge qant, kúrish, kúnbaǵys maıy sekildi kúndelikti turmysqa qajetti taýarlar da jetkizilip jatyr. Temir jolshylar alys aımaqtardan azyq-túlikterdi jetkizip berýge qol ushyn sozdy», - dedi ol.
Atyraý magıstraldy jeli bólimshesiniń dırektory Eleýbaı Saparovtyń aıtýynsha, azyq-túlikter tegin tasymaldanýda. Sonyń ishinde, vagondardy tuıyqqa aparý, júkti túsirgenge deıingi turý ýaqytynyń shyǵyny magıstraldy jeli bólimshesiniń esebinen óteledi.
