Atyraýda túnimen kóshe kezgen 131 jasóspirim ustaldy
ATYRAÝ. QazAqparat – Atyraýda úsh kúnde túnimen kóshe kezgen 131 jasóspirim ustaldy, dep habarlaıdy QazAqparat.
Óńir polıtseıleri 12-14 qarashada «Jasóspirim» is-sharasyn ótkizip, ata-analar tarapynan 147 ákimshilik quqyq buzýshylyqty anyqtady.
«Polıtsııa qyzmetkerleri urlyq jasap, izdeýde júrgen 17 jasar jasóspirimdi ustady. Úsh kúnde ata-analar tarapynan 147 ákimshilik quqyqbuzýshylyq jasalǵany belgili boldy. Olardyń ishinde 14-i ata-analyq mindetin oryndamaǵan, bireýi kámeletke tolmaǵandarǵa alkogoldik ishimdik satqan. Bir jasóspirim qoǵamdyq orynda masań kúıde júrgen. Túngi saǵat 23:00-den keıin kóshe kezgen 131 jasóspirim anyqtaldy» dep málim etti departamenttiń baspasóz qyzmetinen.
Sondaı-aq, polıtseıler esepte turǵan 92 jaısyz otbasy men 44 jasóspirimdi mekenjaıy boıynsha tekserdi. Qazir polıtsııa departamentiniń profılaktıkalyq esebine 1 jasóspirim, qolaısyz 6 otbasy alyndy.
