Atyraýda «Túngi sot» pılottyq jobasy iske qosyldy
ATYRAÝ. QazAqparat - Atyraýda «Túngi sot» pılottyq jobasy iske qosyldy, dep habarlaıdy QazAqparat tilshisi.
Bul týraly Atyraý qalasynyń mamandandyrylǵan ákimshilik sotynyń tóraǵasy Jasulan Jaqsylyq Atyraý oblysy Іshki ister departamenti basshylyǵy jáne qyzmetkerlerimen kezdesý barysynda habarlady.
Kezdesýge qatysýshylar ákimshilik quqyq buzýshylyq týraly isterdi keshki ýaqytta qaraýdaǵy naqty áreketter algorıtmi men múmkindigin talqylady.
Sot tóraǵasy túngi sottardy engizýdiń basty maqsaty azamattardyń sottaǵy quqyǵyn qamtamasyz etý ekenin atap ótti.
«Sot daýlaryn keshki ýaqytta qaraý ákimshilik quqyq buzýshylyqtar boıynsha is júrgizýdi jeńildetedi jáne azamattardyń ýaqytyn únemdeıdi», - dedi J.Jaqsylyq.
Birinshi jumys kúninde joba sheńberinde kólik quraldarynyń zaqymdanýyna ákep soqqan, júrgizýshilermen jol qozǵalysy erejeleriniń buzylýy týraly 7 materıal qaraldy.
«Joba aıasynda Atyraý qalasynyń ákimshilik sotynda 18 saǵat 30 mınýttan bastap 22 saǵatqa deıingi ýaqyt aralyǵynda jol júrý erejelerin buzý týraly ákimshilik ister men materıaldar qaralatyn bolady. JKO qatysýshylary istiń joǵaryda atalǵan ýaqytta qaralýyna kelisim bergen jaǵdaıda, ýákiletti organnyń qyzmetkeri ákimshilik quqyq buzýshylyq týraly hattamanyń janyna JKO jasalǵan sátten bastap úsh táýlikten keshiktirmeıtin, kúni men ýaqyty kórsetilgen sotqa kelý týraly úzik talon toltyrady», dep habarlady oblystyq sottyń baspasóz qyzmetinen.
