Atyraýda túngi klýbtyń aldynda tóbelesken qyzdardyń isi sotqa joldandy

ATYRAÝ. QazAqparat – Atyraýda eki boıjetken túngi klýbtyń aldynda tóbelesip qalǵan. Qazir eki qyzǵa qatysty is sotqa joldandy, dep habarlaıdy QazAqparat.

Oblystyq polıtsııa departamentiniń baspasóz qyzmetinen málim etkendeı, oqıǵa 19 tamyzda túnde bolǵan.

Eki boıjetken túngi saǵat 03:30 shamasynda «Avangard» shaǵyn aýdanyndaǵy túngi klýbtyń bir-birimen janjaldasyp qalǵan. Olardyń bul teris áreketin Atyraý qalalyq polıtsııa basqarmasy jedel basqarý ortalyǵynyń ınspektorlary baıqaǵan.

«Jedel basqarý ortalyǵynyń ınspektorlary qoǵamdyq oryndaǵy tóbeles týraly «Batys» ekıpajynyń qyzmetkerlerine habar bergen. Oqıǵa ornyna jetken ekıpaj qyzmetkerleri bir-birimen janjaldasyp, tóbeles shyǵarǵandardyń ekeýi de 1997 jylǵy boıjetken ekenin anyqtady», -dep habarlady departamenttiń baspasóz qyzmeti.

Túngi klýb aldynda jaǵa jyrtysqan boıjetkenderge qatysty QR Ákimshilik quqyq buzý kodeksiniń 434-babynyń 1-bóligimen ákimshilik hattama toltyrylyp, is sotqa joldandy.

Budan buryn Atyraý stadıonynda fýtbol jankúıerleri tóbelesip qalǵanyn jazǵan edik.

«Atyraý-Aqtóbe» fýtbol quramalarynyń oıyny bastalmas buryn stadıon aldynda jankúıerler arasynda qaqtyǵys oryn alǵan. Polıtsııa qyzmetkerleri qoǵamdyq orynda quqyq buzýshylyqqa jol bergen 30 adamdy ustady.

Keıin tóbeleske qatysqan 28 adamǵa aıyppul salynǵan bolatyn.

Atyraý qalalsynyń ákimshilik quqyq buzýshylyqtar jónindegi mamandandyrylǵan sotynyń baspasóz qyzmetinen málim etkendeı, 28 adamnyń isi QR Ákimshilik quqyq buzýshylyq týraly kodeksiniń 434-babynyń 1-bóligimen qaralǵan.

Sot qaýlysymen 2 adamnyń árqaısysyna 15 315 teńge, al, 26 tulǵanyń árqaısysyna 10 721 teńge kóleminde ákimshilik aıyppul salyndy.