Atyraýda túnde balkonda jylap turǵan 5 jasar bala qutqaryldy
ATYRAÝ. QazAqparat – Atyraýda tún ortasynda balkonda jylap turǵan bala qutqaryldy, dep habarlaıdy QazAqparat.
Oblystyq tótenshe jaǵdaılar departamentiniń baspasóz qyzmetiniń aqparatyna qaraǵanda, 5 jasar bala úıinde qaraýsyz qalǵan.
Jedel qutqarý jasaǵynyń qutqarýshylary túngi saǵat 02:53-te Atyraý qalasynyń Avangard-3 shaǵynaýdanyndaǵy №38 úıdiń balkonynda 5 jasar bala jylap turǵanyn anyqtady.
Bes jasar balany ata-anasy úıde qaraýsyz qaldyrǵan.
«Balkonǵa órt sóndirýge arnalǵan avtosatymen kóterilgen jasaq qyzmetkerleri balany qutqaryp, polıtsııa qyzmetkerlerine tapsyrdy» dep habarlady departamenttiń baspasóz qyzmeti.
Keıinnen anasy balasyn úıine alyp ketken.
Eske sala ketelik, buǵan deıin Atyraýda órt shyqqan úıden 4 bala qutqarylǵanyn habarlaǵan edik.
