Atyraýda tún jarymynda kóshede júrgen 100-ge jýyq bala polıtsııaǵa jetkizildi
ATYRAÝ. QazAqparat – Atyraýda úsh kúnde túnde kóshede júrgen 98 jasóspirim anyqtaldy, dep habarlaıdy QazAqparat.
Oblystyq polıtsııa departamenti baspasóz qyzmetiniń málimetinshe, 21-23 sáýirde «Januıa jáne bala» jedel profılaktıkalyq is-sharasy ótkizilgen.
«Іs-shara kezinde bala tárbıesimen tıisinshe aınalyspaǵan 8 otbasyna qatysty qujattar kámeletke tolmaǵandardyń quqyǵyn qorǵaý jónindegi komıssııaǵa joldandy. «Zorlyq jáne jaýapkershilik» taqyrybynda onlaın formatta 110 ata-ananyń qatysýymen jınalys ótkizildi. Departamenttiń bólim bastyqtary 7 azamatqa quqyqtyq konsýltatsııa berip, kámeletke tolmaǵan 22 jasóspirimmen áńgime júrgizildi», -deıdi departament bastyǵy, polıtsııa bastyǵy Qamza Úmbetqalıev.
Onyń aıtýynsha, ıývenaldy polıtsııa ınspektorlary túnde zańdy ókilinsiz turǵylyqty úı-jaıynan tys jerde júrgen 98 jasóspirimniń ata-anasyna ákimshilik eskertý berilgen.
Al, 11 ata-anaǵa bala tárbıesimen aınalyspaǵany úshin ákimshilik hattama toltyrylyp, sotqa joldanǵan.
Eske sala ketelik, buǵan deıin Atyraýda balalarynyń kózinshe ishimdik ishken áıeldiń quqyǵy shekteletinin jazǵan bolatynbyz.
