Atyraýda tumaý vaktsınasynyń 65 myń dozasy satyp alyndy
ATYRAÝ. QazAqparat – Atyraý oblysynda tumaýǵa qarsy vaktsınanyń 65 myń dozasy satyp alyndy, dep habarlaıdy QazAqparat.
Oblystyq sanıtarlyq-epıdemıologııalyq baqylaý departamenti baspasóz qyzmetiniń málimetinshe, byltyr 70 869 adam tumaýǵa qarsy ekpe alǵan.
«Onyń ishinde 60 000 adam tegin, 536 adam aqyly túrde vaktsına saldyrdy. Al, jumys berýshiniń qarajaty esebinen 10 333 adamǵa vaktsına salynǵan edi. Endi bıyl jergilikti bıýdjet qarajatyna Reseıde shyǵarylǵan tumaýǵa qarsy «Grıppol+» vaktsınasynyń 65 myń dozasy satyp alyndy. Vaktsınany aqysyz negizde 6 aıdan asqan balalar, jıi aýyratyn medıtsına qyzmetkerleri alady. Sondaı-aq, bilim berý mekemelerinde oqıtyn oqýshylar, ata-anasynyń qamqorlyǵynsyz qalǵan jetimder men balalar úıiniń tárbıelenýshileri, medıtsınalyq-áleýmettik mekemelerdiń qyzmetin alýshylar, júkti áıelder, júrek-qan tamyr júıesi men tynys alý organdarynyń sozylmaly aýrýy bar adamdar úshin tegin bolady. Vaktsınany kúzde alǵan durys. Óıtkeni, tumaýdyń kúsheıýi ádette, jeltoqsan men naýryz aralyǵynda tirkeledi. Immýnıtet vaktsınatsııadan keıin 14 kún ishinde qalyptasady», - dep habarlady departamenttiń baspasóz qyzmeti.
Eske sala ketelik, budan buryn Atyraýǵa Reseıden koronavırýs juqtyrǵan 52 qazaqstandyq kelgenin jazǵan bolatynbyz.
