Atyraýda týabitti sal aýrýyna shaldyqqan balalarǵa kúrdeli ota jasaldy
Atyraý oblystyq balalar aýrýhanasynyń dırektory Nurqabyl Aıtmuhambetovtiń aıtýynsha, sońǵy bir jylda balalarǵa jasalatyn ortopedııalyq operatsııalardyń sany artqan.
«Máselen, ótken jyldyń birinshi toqsanynda ortopedııalyq 5 ota jasalǵan edi. Al bıyl – 41 operatsııa. Osy aıda tserebraldy sal aýrýyna shaldyqqan eki balaǵa kúrdeli ota jasaý josparlandy», - deıdi Nurqabyl Aıtmuhambetov.
Astana qalasyndaǵy №2 balalar aýrýhanasy ortopedııa bóliminiń meńgerýshisi Aǵabek Chıkenaevtyń aıtýyna qaraǵanda, sheteldik mamandardan tálim alǵan atyraýlyq dárigerler elordadaǵy áriptesterimen tájirıbe bólisken.
«Atyraýlyq dárigerler bizdiń aýrýhanada kúrdeli operatsııalarǵa qatysty. Endi olar jınaqtaǵan tájirıbesin qorytyp, osy óńirdegi sal aýrýyna shaldyqqan balalardy saýyqtyrý úshin jumys jasaıdy», - deıdi Aǵabek Chıkenaev.
Onyń aıtýynsha, jergilikti aýrýhanada qajetti medıtsınalyq jabdyqtardyń bári bar. Elorda dárigerleri jergilikti áriptesterimen birge úsh kúnde kúrdeli úsh ota jasaǵan. Otanyń árqaısysy 2-3 saǵatqa sozyldy.
«Munda kúrdeli otalardy jasaý úshin jańa zamanaýı operatsııalyq blok jasaqtalyp jatyr. Endi jergilikti dárigerler týabitti ortopedııalyq dertteri, tserebraldy sal aýrýy jáne damýynyń ártúrli patologııalary bar balalarǵa qajetti kúrdeli operatsııalardy ózderi jasaıtyn bolady», - dep málim etti A.Chıkenaev.
Eske sala ketelik, buǵan deıin Atyraýda týa bitken patologııasy bar balaǵa kúrdeli ota jasalǵanyn habarlaǵan edik.
Sondaı-aq bir jasar balanyń mıyna kúrdeli ota sátti jasalǵanyn jazǵan bolatynbyz.
