Atyraýda tótenshe jaǵdaı rejımin buzǵan býkmekerlik keńse menedjeri 10 táýlikke qamaldy
ATYRAÝ. QazAqparat – Atyraýda tótenshe jaǵdaı rejımin buzǵan býkmekerlik keńse menedjeri 10 táýlikke qamaldy, dep habarlaıdy QazAqparat.
«Atyraý qalasynyń mamandandyrylǵan ákimshilik sotynda QR Ákimshilik quqyqbuzýshylyq týraly Kodeksiniń 476-babynyń 3-tarmaǵymen (tótenshe jaǵdaı rejımin buzý) azamat J.-ǵa qatysty ákimshilik quqyqbuzýshylyq týraly is qaraldy. Sotta anyqtalǵandaı, quqyq buzýshy tótenshe jaǵdaıdyń engiziliýmen oıyn-saýyq is-sharalaryn ótkizýge salynǵan shekteýdi elemegen. Sóıtip, 25 naýryzda «1xbet» JShS-niń býkmekerlik keńsesin ashyp qoıyp, oıyn-saýyq qyzmetin atqarǵan» -dep habarlady Atyraý oblystyq sotynyń baspsóz qyzmeti.
Sot qaýlysymen quqyq buzýshy J. kináli dep tanylyp, oǵan 10 táýlikke ákimshilik qamaqqa alý jazasy qoldanyldy.
