Atyraýda tótenshe jaǵdaı rejımin buzǵan 38 adam jaýapqa tartyldy
«Oblys prokýratýrasymen tótenshe jaǵdaı talaptarynyń oryndalýyn qamtamasyz etý úshin mobıldi top quryldy. Onyń jumysynyń nátıjesinde rejımdi buzǵany úshin 38 tulǵa jaýapqa tartyldy. Sonyń ishinde 5 kásipker ákimshilik qamaýǵa alyndy. Olar –«Hanshaıym», «Nárli» meıramhanalarynyń, «Amanjan» dámhanasynyń, «Fınbet» býkmekerlik keńsesiniń ıeleri men «ıAmato» sýshı-barynyń ákimshisi» - dep habarlady oblystyq prokýratýranyń baspasóz qyzmeti.
Sondaı-aq, áleýmettik jelilerde kórineý jalǵan aqparattar (turǵyndardyń koronavırýspen aýyratyny týraly) taratý (Qylmystyq Kodekstiń 274-baby), jeke jáne otbasylyq qupııany quraıtyn málimetterdi (koronavırýsqa ushyraǵan 3 tulǵanyń aty-jónderi) taratý (Qylmystyq Kodekstiń 147-baby) faktileri boıynsha sotqa deıingi tergep-tekserý júrgizilýde.