Atyraýda tórt kúnde 400-den astam adam ákimshilik jaýapqa tartyldy
Oblystyq polıtsııa departamenti qyzmetiniń aqparatyna súıensek, 17-21 tamyzda «Esep» jedel profılaktıkalyq is-sharasy ótkizildi.
«Іs-sharanyń maqsaty – ishki ister organdarynyń profılaktıkalyq esebine alynǵandardyń qaıtadan quqyq buzýyna jol bermeý. Eki kúnde 36 azamat profılaktıkalyq esepke alyndy. Onyń ishinde shartty túrde merziminen buryn bosatylǵan 1 adam bar. Al, 30 adamǵa qorǵaý uıǵarymy shyǵarylyp, sot qaýlysyna sáıkes, 4 adamǵa minez-qulqyna baılanysty erekshe talaptar ornatyldy. Sot qaýlysymen 1 adam emdeý mekemesine jiberildi. Sondaı-aq, ákimshilik zańnama talaptaryn buzǵan 405 adam ákimshilik jaýapqa tartyldy. Qoǵamdyq tártipti buzǵany úshin 52 adamǵa QR Ákimshilik quqyqbuzýshylyq Kodeksiniń 434 jáne 434-babynyń 2-bóligimen, al, 59 adamǵa 440-babymen hattama toltyryldy» -dep habarlady departamenttiń baspasóz qyzmeti.
Eske sala ketelik, buǵan deıin Atyraýda otbasynyń mazasyn alǵan 800-ge jýyq adam jaýapkershilikke tartylǵan edi.