Atyraýda topyraqty zańsyz alǵan munaıshylar 5 mln teńge aıyppul tóleıdi
«Isataı aýdanynyń prokýratýrasy paıdaly qazbalardy ruqsatsyz ıgerý deregin anyqtady. Ekologııalyq zańnama talaptaryna sáıkes, paıdaly qazbalardy ıgerý jumystary zańda kórsetilgen ruqsat berý qujattary negizinde júzege asyrylýy tıis. Al «Potentsıal Oıl» JShS Janbaı aýylynan mańynan jergilikti atqarýshy organdardyń ruqsatynsyz topyraqty zańsyz qazyp alǵan. Qazyp alynǵan topyraqtyń kólemi 1000 tekshe metrdi qurady. Memleketke kelgen shyǵyn 4 mln teńge. Prokýratýra organdarynyń usynysy boıynsha, ekologııa departamentiniń ókilderi jaýapkershiligi shekteýli seriktestikke 1 mln 200 myń teńge kóleminde aıyppul salynyp, 3,8 mln teńge kóleminde shyǵyn ótelip alyndy»,-dep habarlady oblystyq prokýratýranyń baspasóz qyzmeti.
Atyraý oblystyq prokýratýrasynyń ókilderi paıdaly qazbalardy zańsyz alýdy anyqtaý sharalaryn kúsheıtti, dep habarlady vedomstvo ókilderi.