Atyraýda tońazytqyshtyń esigimen qysyp, azaptaǵan ıtti AQSh azamaty asyrap aldy
ATYRAÝ. QazAqparat – Atyraýda basy tońazytqyshtyń esigine qysylyp, tunshyqtyrylǵan ıtti Amerıkaǵa alyp ketti, dep habarlaıdy QazAqparat.
Budan buryn áleýmettik jelide atyraýlyq turǵynnyń ıttiń basyn tońazytqyshtyń esigine qysqan vıdeosy jarııalanǵan edi.
Bul jaǵdaı jurtshylyq arasynda biraz pikirtalas týdyrdy.
Rezonansty oqıǵadan soń ıtti qorlaǵan azamat vıdeo túsirip, óz áreketin túsindirdi, sondaı-aq ókinetinin aıtty.
Keıin ıtti asyrap alýǵa AQSh, Frantsııa, Kanada, Reseı azamattarynan usynys túsken.
«Qaıyrymdy júrek» qoǵamdyq qorynyń málimetinshe, ıtti volonterler Lakı dep ataǵan.
Itti AQSh azamaty asyrap alǵan. Jaqynda muhıttyń arǵy jaǵyndaǵy jańa qojaıyny ıtti Kalıfornııa shtatyna ushaqpen aldyrǵan.
AQSh-qa ushyp ketken ıttiń jaǵdaıyn sol shtattaǵy qazaqstandyq volonterler baqylaýǵa almaq.
Eske sala ketelik, budan buryn Atyraýda bir aptada 9 balany ıt qaýyp alǵan edi.
