Atyraýda tokqa túsken 10 jasar bala kóz jumdy
ATYRAÝ. QazAqparat – Atyraýda tokqa túsken 10 jasar bala kóz jumdy, dep habarlaıdy QazAqparat.
Oblystyq polıtsııa departamenti baspasóz qyzmetiniń aqparatyna súıensek, qaıǵyly oqıǵa keshe 30 qazanda bolǵan.
«Polıtsııaǵa 1953 jylǵy azamattan saǵat 15:00 shamasynda nemeresiniń tokqa túskeni týraly habar túsken. Keıin 10 jasar balanyń oınap júrip, tońazytqyshtyń artyna tyǵylǵany anyqtaldy. Sol kezde tokqa túsip qalǵan», - dep habarlady departamenttiń baspasóz qyzmeti.
Oblystyq densaýlyq saqtaý basqarmasynyń baspasóz qyzmetinen málim etkendeı, jedel járdem qyzmetine saǵat 14:45-te habar berilgen. Jedel járdem brıgadasy saǵat 14:51-de jetken. Jasóspirim jedel járdem brıgadasy kelgenge deıin kóz jumǵan.
Qazir atalǵan derekke qatysty tekserý júrip jatyr.
Eske sala ketelik, buǵan deıin Atyraýda Jaıyq jaǵasynan áıeldiń denesi tabylǵanyn habarlaǵan edik.
