Atyraýda tóbeleske qatysqan oqýshylardyń ata-analary sotta jaýap beredi
ATYRAÝ. QazAqparat - Toptasyp tóbelesken 6 toǵyzynshy synyp oqýshysynyń ata-anasy balalary úshin sotta jaýap beredi, dep habarlaıdy «QazAqparat» HAA tilshisi.
«Qaladaǵy mekteptiń biriniń 9-synyp oqýshylary tóbelesken. Janjaldan eshkim zardap shekpegen. Alaıda, kıkiljińniń vıdeosy Internetke shyǵarylǵan. Tóbeleskenderdiń barlyǵy anyqtaldy. Tergeý nátıjesi boıynsha kámeletke tolmaǵandardyń ata-analaryna QR Ákimshilik kodekstiń 435-baby «Kámeletke tolmaǵan adam jasaǵan buzaqylyq» boıynsha hattama toltyryldy. Olardyń barlyǵy sot aldynda jaýap beredi», - dep habarlady oblystyq ІІD-niń baspasóz qyzmeti.
Jasóspirimder quqyq qorǵaý organdarynyń arnaıy esebine tirkeýge alyndy.
