Atyraýda «Tilderdiń úsh tuǵyrlylyǵy - bolashaqtyń bastaýy» atty jarys ótti

ATYRAÝ. QazAqparat - Qazaqstan Respýblıkasy memleketi saıasatynyń asa ózekti baǵyttarynyń biri - tildi damytý. Búgingi kúni memlekettik qyzmetshilerdiń úsh tildi erkin meńgerýge degen qyzyǵýshylyǵyn yntalandyrý júıeli túrde qolǵa alynǵan, dep habarlady «Atyraý» gazeti.

  Aǵymdaǵy jyldyń naýryz aıynan bastap Atyraý oblystyq energetıka jáne turǵyn úı-kommýnaldyq sharýashylyq basqarmasynyń qyzmetkerlerine Memlekettik qyzmetshilerdi qaıta daıarlaý, biliktiligin arttyrý jáne tilderdi oqytý óńirlik ortalyǵynyń aǵylshyn tiliniń ádiskeri jáne oqytýshysy Zoıa Mámenova tórt aılyq merzimde «Aǵylshyn tilin deńgeılep oqytý» kýrsyn júrgizýde. Qazirgi tańda basqarma ujymynyń qyzmetkerleri aǵylshyn tilin jaqsy meńgerip keledi. Buǵan dálel - úsh tildi meńgerýge oraı ótkizilgen saıystyń nátıjesi. Jýyrda Atyraý oblysy ákimi apparatynyń Memlekettik qyzmetshilerdi qaıta daıarlaý, biliktiligin arttyrý jáne tilderdi oqytý óńirlik ortalyǵynda «Tilderdiń úsh tuǵyrlylyǵy - bolashaqtyń bastaýy» atty jarys ótkizildi. Bul saıysqa atalǵan basqarmasynyń otyn-energetıka kesheni bóliminiń bas mamandary qatysyp, І oryndy Lázzat Dúısebaeva, ІІ oryndy Anar Ahmetova jeńip aldy. Saıysta úsh tildi qoldaný aıasynda qazaqtyń ádet-ǵuryptary jáne salt-dástúrleri aıtylyp, taqyrypty ashý deńgeıine oraı baǵalandy.