Atyraýda terakt týraly jalǵan habar bergen azamat tergelip jatyr
ATYRAÝ. QazAqparat - Atyraýda terrorızm aktisi týraly jalǵan habar bergen azamatqa qatysty sotqa deıingi tergep-tekserý jumystary bastaldy, dep habarlaıdy QazAqparat tilshisi.
«Oqıǵa Atyraý qalasynda 8 qazan kúni oryn alǵan. «102» operatoryna belgisiz adamnan qaldyrylǵan habarlamadan keıin jedel qyzmetter jumyldyrylǵan. Sanaýly ýaqyt ishinde kúdiktiniń turǵan jeri anyqtaldy», dep habarlady oblystyq Іshki ister departamentiniń baspasóz qyzmetinen.
Aıta ketelik, jyl bastalǵaly oblysta 2 jalǵan habarlama berý oqıǵasy tirkelgen. Onyń birinde 1986 jyly týǵan azamat Qulsary qalasyndaǵy dúkende jarylǵysh zat qoıylǵanyn habarlaǵan. Sot sheshimimen Qulsarylyq azamat 6 jylǵa bas bostandyǵynan aıyryldy.
