Atyraýda Teńiz kenishi men barlyq aýdanda koronavırýs juqtyrǵandar anyqtaldy
ATYRAÝ. QazAqparat –Atyraý oblysyndaǵy Teńiz kenishi men barlyq aýdanda koronavırýs juqtyrǵandar anyqtaldy, dep habarlaıdy QazAqparat.
Atyraý oblysynda 7 aýdan bar. Oblystyq densaýlyq saqtaý basqarmasy baspasóz qyzmetiniń aqparatyna qaraǵanda, ótken táýlikte óńirdegi aýdandardyń bárinde, sondaı-aq Teńiz kenishinde 107 adam koronavırýs ınfektsııasyn juqtyrǵan.
«Qaýipti indetke shaldyqqan naýqastardyń 27-si Atyraý qalasynda tirkelgen. Sondaı-aq, Teńiz kenishinde - 59 jumysshydan, Jylyoı aýdanynda – 4, Qyzylqoǵada – 1, Inderde – 3, Mahambette – 2, Isataıda – 1, Maqatta – 1, Qurmanǵazy aýdanynda 9 adamnan Sovid-19 anyqtaldy. Onyń ishinde 16 naýqasta koronavırýs sımptomdy túrde ótýde» -dep habarlady basqarmanyń baspasóz qyzmetin.
Ótken táýlikte 168 adam qaýipti indetten saýyǵyp shyqqany belgili boldy. Al úı jaǵdaıynda 317 adam úı jaǵdaıynda emdelýdi jalǵastyrýda.
Oblystyq ınfektsııalyq statsıonarda - 95, aýdandardaǵy statsıonarlarda - 26, Teńiz kenishindegi statsıonarda 790 adam emdelip jatyr.
Eske sala ketelik, Atyraý oblysynda koronavırýstan 1300-ge jýyq naýqas emdelip jatqanyn habarlaǵan bolatynbyz.
