Atyraýda teńiz ınspektory parany aqshamen jáne bekiremen alyp kelgen

ATYRAÝ. QazAqparat - Atyraý oblysynda sheneýnik júıeli túrde para alǵandyǵy úshin kúdiktelýde, dep xabarlaıdy QazAqparat tilshisi.  Bul týraly Memlekettik qyzmet isteri jáne sybaılas jemqorlyqqa qarsy is-qımyl agenttiginiń resmı ókili Nurlan Jahın habarlady. 

Agenttiktiń Sybaılas jemqorlyqqa qarsy is-qımyl ulttyq bıýrosynyń Atyraý oblysy boıynsha departamenti jedel-izdestirý sharalaryn júrgizý barysynda orman jáne ańshylyq sharýashylyǵy aýmaqtyq ınspektsııasy teńiz bóliminiń basshysy paraqorlyqta áshkerelendi.

«Ol jeke tulǵadan jalpy qamqorlyǵy jáne bekire tuqymdastary balyqtaryn zańsyz aýlaýǵa teńizge kedergisiz shyǵý úshin júıeli túrde 400 myń teńge para jáne bekire balyǵyn alǵandyǵy úshin kúdiktelýde», - delingen habarlamada.

Aqshany ol arada deldal bolǵan óziniń júrgizýshisi arqyly alyp otyrǵan.

«Qazirgi ýaqytta bólim basshysy jáne onyń júrgizýshisi óz kinásin tolyq moıyndady, tergeýge kómek berýde jáne kináni moıyndaý boıynsha kelisim jasaý týraly ótinish jasaýyna baılanysty atalǵan tulǵalarǵa qatysty qamaý túrindegi bultartpaý sharasy qoldanylǵan joq», - dedi Nurlan Jahın.