Atyraýda temirjol vokzalyna kirýge qatań shekteý qoıyldy
ATYRAÝ. QazAqparat –Atyraýda tótenshe jaǵdaıǵa baılanysty temirjol vokzalyna kirýge qatań shekteý qoıyldy, dep habarlaıdy QazAqparat Óńirlik kommýnıkatsııalar qyzmetine silteme jasap.
Endi temirjol vokzalyna tek bıleti bar jolaýshylar kirgiziledi. Atyraýǵa ózge baǵyttan kelgen jolaýshylar vokzal ǵımaraty arqyly shyǵady.
Budan bólek, «Nur-Sultan-Atyraý», «Almaty-Atyraý» baǵytyna qatynaýǵa shekteý qoıyldy.
Málim bolǵandaı, Nur-Sultan baǵytyndaǵy Býrabaı kýrorty stantsııasy men Shý stantsııasynan Atyraýǵa qatynaıtyn reıs toqtatylmaıdy. Shekteý qoıylmaǵan reıs qatarynda «Atyraý-Mańǵystaý», «Atyraý-Aqtóbe» baǵyty da bar.
«Qazir temirjol vokzalynda ár úsh saǵat saıyn dezınfektsııa jasalýda. Sonymen qatar, endi poıyzdardyń barlyǵy birinshi joldan júredi. Bul jolaýshylardyń qaýipsizdigi úshin uıymdastyrylyp otyr», - dedi Atyraý magıstraldyq jeli bólimshesiniń dırektory Elýbaı Saparov.
Onyń aıtýynsha, Nur-Sultan, Almaty qalalaryna qatynaıtyn poıyzdarǵa alynǵan bıletterdi tapsyrý kezinde temirjol vokzalynda halyq kóp shoǵyrlanǵan. Olardyń barlyǵyna aqshalary tolyq qaıtarylǵan.
Qazir bılet tapsyratyn adamdar azaıǵan.
