Atyraýda temeki shekken qyzy úshin anasy jaýapqa tartyldy
ATYRAÝ. QazAqparat - Atyraýda 15 jastaǵy qyzdyń avtoturaqta temeki shegip, onyń qaldyǵyn jerge tastaǵany úshin onyń anasy jaýapkershilikke tartyldy, dep habarlaıdy QazAqparat tilshisi.
«Atyraý oblysynyń kámeletke tolmaǵandardyń isteri jónindegi mamandandyrylǵan aýdanaralyq sotynda A.ǵa qatysty ákimshilik is qaraldy.
Іs materıaldary boıynsha, 2003 jyly týǵan B. qoǵamdyq orynda, ıaǵnı Geolog poselkesinde ornalasqan avtoturaqta temeki shegip, temekiniń qaldyǵyn jerge tastaǵan. Sonysymen qatar, qoǵamdyq tártipti buzyp, usaq quqyq buzýshylyqqa jol bergen.
Sot otyrysynda qyzdyń anasy, keshirim surap, aldaǵy ýaqytta osyndaı jaǵdaılarǵa jol bermeýge mindettendi. Kámeletke tolmaǵan B da óziniń isine ókinetindigin jetkizdi.
Sondaı-aq, sot sheshimimen tártip buzǵan jetkinshektiń anasy Qazaqstan Respýblıkasynyń ÁQBtK-niń 435-babymen kináli dep tanylyp, oǵan 11 785 teńge kóleminde ákimshilik aıyppul salyndy.
