Atyraýda tegin Wi-Fi jelisi ornatylyp jatyr
«Ǵalamtorǵa tegin kirý oryndary qalamyzdyń eń úlken ortalyqtarynda ornalasady. Atalmysh joba Smart Atyraý jáne «Aqyldy qala» tujyrymdamasy aıasynda quryldy. Ǵalamtorǵa tegin qatynaý núktelerin ornatý boıynsha ústimizdegi jyldyń basynda «Qazaqtelekom» AQ Atyraý oblystyq fılıalymen birlesip iske qosyldy. Qazirgi tańda kóptegen jerlerde ǵalamtor jelileri burynnan bar», - dedi Atyraý qala ákiminiń orynbasary Meıirim Qalaýı.
Sondaı-aq, spıkerdiń sózine qaraǵanda, ǵalamtordy Qurmanǵazy atyndaǵy mádenıet saraıynyń alańynda, Jılgorod parkinde-1, Jılgorod-2, Jeńis parki 1, Jeńis parki2. Sondaı-aq, ortalyq alańda 2 núkte, Qurmanǵazy alańynda, Jaǵalaý - Smaǵulov kóshesiniń boıymen ózen jaǵalaýy, Sátpaev 52 kóshesi, Áıteke bı 79 kóshesi, Atyraý munaı jáne gaz ýnıversıteti alańy men H.Dosmuhamedov atyndaǵy Atyraý memlekettik ýnıversıteti alańynda 2 núkte, Abaı kóshesindegi «Anvar» sýpermarketi, Atyraý oblystyq tarıhı-ólketaný murajaıy men Dene shynyqtyrý jáne saýyqtyrý kesheniniń janynda, Dına Nurpeıisova atyndaǵy mádenıet saraıynyń alańynda, Atyraý qalasynyń halyqaralyq áýejaıynyń VIP zalynda jáne jalpy kútý zalynda, Muz saraıynyń janynda, sonymen qatar temir jol vokzalynda, «Ardager» saýda ortalyǵynda tegin paıdalanýǵa múmkindik paıda bolmaq.