Atyraýda tegin beriletin dári-dármekter qaıta baqylaýǵa alyndy
ATYRAÝ. QazAqparat – Atyraýda tegin beriletin dári-dármekter qaıta baqylaýǵa alyndy, dep habarlaıdy QazAqparat.
«Atyraý – adaldyq alańy» jobalyq keńsesiniń músheleri memleketten tegin 48 dert boıynsha 280 túrli dári-dármek beriletinin aqparattandyrý men densaýlyq saqtaý salasyndaǵy ashyqtyqty qamtamasyz etý maqsatynda aýrýhana, emhana ǵımarattarynyń birinshi qabatyna ilý, resmı saıtty men áleýmettik jelilerdegi paraqshalarynda jarııalaý úshin bir tıptik úlgidegi aqparattandyrý qaǵazyn usyndy. Osy maqsatta bıylǵy 17 mamyrda densaýlyq saqtaý mekemelerine Sybaılas jemqorlyqqa qarsy is-qımyl agentigi Atyraý oblysy boıynsha departamentiniń haty joldanǵan.
«Alaıda, 15 maýsymǵa deıin turǵyndardy aqparattandyrý men densaýlyq saqtaý salasynda kórsetiletin qyzmette ashyqtyqtyń saıttar arqyly, keıbir emdeý mekemelerine baryp, basqarmanyń bergen málimetterine súıenip jasalǵan monıtorıngten baıqaldy. Mahambet, Inder aýdandarynda jasalyp jatqan jumys joqtyń qasy. Qurmanǵazy, Maqat aýdanyndarynda óz paraqshalaryna jarııalaǵanymen, sýret nemese turǵyndarǵa yńǵaıly aqparattandyrý ınfografıkasy salynbaǵan. Al Atyraý qalalyq №3 emhanada burynǵy tizim jańartylmaǵan. Erkinqala ambýlatorlyq emhanasynyń 3 saıtynda da tegin dári-dármekter jaıynda aqparattandyrý salynbaǵan. Qyzylqoǵa aýdanynyń medıtsınalyq mekemeleri tek óz saıtyna salǵan, álýmettik jelilerge jarııalamaǵan. Kóptegen emhanada tek saıttar men áleýmettik jelilerge aqparattandyrý júrgizgenimen, ǵımarattyń birinshi qabatyna ilinbegen» -dep habarlady jobalyq keńseden.
