Atyraýda teatr tarlandaryna qoıylǵan kompozıtsııa ashyldy
ATYRAÝ. QazAqparat – Atyraýdaǵy Mahambet atyndaǵy akademııalyq qazaq drama teatrynyń aldyna óner tarlandary Sabıra Maıqanova, Nurmuhan Jantórın, Hadısha Bókeeva jáne Asanáli Áshimovke arnalǵan kompozıtsııa ashyldy, dep habarlaıdy QazAqparat.
Saltanatty sharaǵa teatr jáne kıno akteri, KSRO halyq ártisi, Qazaqstannyń Eńbek Eri Asanáli Áshimov jáne ózge zııaly qaýym ókilderi qatysty.
«Bul – sáýlet óneriniń úlgisi ǵana emes, mádenıet pen ónerge, onyń ókilderine, aǵa urpaqqa kórsetilgen qurmet. Kez-kelgen el úshin rýhanııattyń orny bólek. Óskeleń urpaqty óner ıelerin qurmetteýge úndeıtin týyndy» - dedi oblys ákiminiń orynbasary Baqytgúl Hamenova.
Kompozıtsııalyq eskertkishtiń lentasyn KSRO halyq ártisi, Qazaqstannyń Eńbek Eri Asanáli Áshimov pen aqyn, Mahambet jáne Tólegen Aıbergenov atyndaǵy syılyqtardyń laýreaty Svetqalı Nurjan qıdy.
Eske sala ketelik, budan buryn Atyraýda teatr tarlandaryna arnalǵan kompozıtsııa qoıylǵanyn jazǵan edik.
