Atyraýda teatr tarlandaryna arnalǵan kompozıtsııa qoıyldy

ATYRAÝ. QazAqparat – Atyraýda Mahambet atyndaǵy akademııalyq qazaq drama teatrynyń aldyna Qazaqstannyń Eńbek Eri Asanáli Áshimovtiń, KSRO halyq ártisteri Hadısha Bókeeva men Sábıra Maıqanovanyń, Qazaq KSR halyq ártisi Nurmuhan Jantórınniń kompozıtsııalyq eskertkishi qoıyldy, dep habarlaıdy QazAqparat.

Teatr dırektory Berik Jámenovtiń aıtýynsha, ashyq alańdaǵy kompozıtsııa «Shyǵarmashylyq áńgime» dep atalady. Bul kompozıtsııany almatylyq sklýptor Gúlfııa Meldesh jasaǵan.

«Biz halyq ártisteriniń atyn el esinde saqtaýymyz qajet. Óıtkeni, olar – otandyq kınematografııa men teatr óneriniń bastaýynda turǵan qaıtalanbas óner tarlandary. Olardy aǵa býyn jaqsy biledi. Alaıda, keıingi býyn úshin olardyń eńbegi tarıhqa aınalyp barady», - deıdi Berik Jámenov.

Bul kompozıtsııany ornatý ıdeıasy ótken jyly týyndaǵan. Ideıany iske asyrý úshin Atyraýda qoıylǵan birneshe skýlptorlyq músinniń avtory Gúlfııa Meldeshke usynys jasalǵan.