Atyraýda taýyq etinen ishek taıaqshasy tabyldy
ATYRAÝ. QazAqparat - Atyraýda taýyq eti ónimderinen qaýipti bakterııalar tabyldy, dep habarlaıdy QazAqparat tilshisi.
«Belgradkorm» kompanııasynyń «Brıanskıı broıler», «ıAsnye zorı», «Stavropolskogo broılera» kompanııasynyń «Blagoıar» muzdatylǵan taýyq etterinen, «SPK Kýrnıkov» kompanııasynyń «Natýralnyı» jáne «Kýrochkıno» et óńdeý kásipornynyń «Dostoınyı vybor» tartylǵan taýyq etterinen patogendik mıkroflora nemese salmonellanyń bakterııalyq tuqymy, sondaı-aq ishek taıaqshasy tabyldy. Belgili bir jaǵdaılarda olar taǵamdyq toksıkalyq ınfektsııaǵa ushyratady», - dedi qalalyq qoǵamdyq densaýlyqty saqtaý basqarmasy tehnıkalyq reglamentteý bóliminiń basshysy Gúlnár Súleımenova.
Onyń aıtýynsha, satýǵa qoıylǵan taýarlardyń sapasy memlekettik tapsyrys boıynsha tekseriledi. Atyraýda osyndaı taýardyń synamalyq túrin satyp alýǵa bıýdjetten aı saıyn 600-700 myń teńge bólinedi. Aıta keterligi, atalǵan sapasyz ónimderge qatysty ákimshilik shara qoldanylady.
