Atyraýda tashkenttik poıyzda kedenshiler 21 antıkvar zat tárkiledi
ATYRAÝ. Mamyrdyń 26-sy. QazAqparat /Andreı Sokolov/ - «Tashkent-Sankt-Peterbor» baǵytyndaǵy jolaýshylar poıyzynda antıkvarlyq zattardyń úlken partııasy tabyldy.
Atyraý oblysynyń kedendik baqylaý departamentinen habarlaǵandaı, kontrabanda «Aqkól» kedendik beketinde júrgizilgen tekserý barysynda meıramhana-vagonda tabyldy. Kedenshiler vagonnyń podvalynan jáne azyq-túlik saqtaıtyn jaılarynan qazan, qumyra, mangal, samaýyr, vaza, legen, sháınek jáne shynyaıaq sııaqty barlyǵy 1701 birlik antıkvar buıymdardy tárkiledi. Múliktiń ıesi - Ózbekstan azamaty bolyp shyqty.
«Oblystyq tarıhı-ólketaný murajaıy jasaǵan saraptama boıynsha, 21 múliktiń tarıhı jáne antıkvarlyq qundylyqqa ıe ekeni anyqtaldy. Sot-taýartaný saraptamasy tárkilengen dúnıeniń barlyǵynyń qunyn 1,5 mıllıon teńgege baǵalady», - dep habarlady kedendik baqylaý departamentinen.
Kontrabandany alyp ótpek bolǵan Ózbekstan azamatynyń ústinen qylmystyq is qozǵaldy.
