Atyraýda tańǵy jattyǵýǵa 2 myńǵa jýyq qala turǵyndary qatysty
ATYRAÝ. QazAqparat - Búgin Atyraý qalasynyń turǵyndary Memleket basshysynyń joldaǵan «Seniń jańa qyryń» chellendjin qoldady, dep habarlaıdy QazAqparat tilshisi óńirlik kommýnıkatsııalar qyzmetine silteme jasap.
Fleshmob Mahambet atyndaǵy oblystyq akademııalyq drama teatr alańynda ótti. Іs-shara salaýatty ómir saltyn nasıhattaýǵa jáne dene shynyqtyrý men sportty damytýǵa baǵyttalǵan.
Tańǵy jattyǵýǵa 2 myńnan astam qala turǵyndary qatysty. Іri kólemdegi «Seniń jańa qyryń» sporttyq sharasy Qazaqstan Respýblıkasynyń mádenıet jáne sport mınıstrliginiń qoldaýymen, Atyraý oblysynda ótkizilip otyrǵan alǵashqy respýblıkalyq fleshmob.
Uıymdastyrýshylardyń josparyna sáıkes, bir ýaqytta respýblıka boıynsha tańǵy jattyǵý gımnastıkasy ótkizildi. Aýqymdy shara Aqtaý, Ońtústik Qazaqstan, Shymkent, Petropavl jáne Óskemen qalalarynan arnaıy Astana qalasyna tikeleı telekópir arqyly kórsetildi.
«Búgingi tańǵy jattyǵý gımnastıkasyna Atyraý jurtshylyǵy atsalysyp, qatysyp jatyr. Osy sharanyń basty maqsaty - aımaqtaǵy buqaralyq sportty damytý men salaýatty ómir saltyn ustaný. Óńirimizde turǵyndardyń 27,5 paıyzy buqaralyq sportpen shuǵyldanady»,-deıdi Atyraý oblystyq dene shynyqtyrý jəne sport basqarmasynyń basshysy Azamat Beket.
Esterińizge sala keteıik, Memleket basshysy Nursultan Nazarbaev «Seniń jańa qyryń» atty aýqymdy aktsııany bastady. Onda Elbasy qazaqstandyqtardy sportpen shuǵyldanýǵa shaqyryp, árqaısysyna mysal kórsetken bolatyn.
