Atyraýda talapqa saı kelmeıtin azyq-túlik ónimderi anyqtaldy
ATYRAÝ. QazAqparat - Atyraýda kóptegen mıkrobıologııalyq kórsetkishter men azyq-túlik ónimderiniń belgilerinen zań buzý áreketteri anyqtaldy, dep habarlaıdy QazAqparat.
«2224 azyq-túlik úlgisine júrgizilgen sanıtarlyq-epıdemıologııalyq saraptaý sharalarynyń 707-si Kedendik Odaqtyń tehnıkalyq reglamentteri men biryńǵaı santıarlyq-epıdemıologııalyq jáne gıgıenalyq talaptarǵa saı bolmaı shyqty. Azyq-túlikten alynǵan 1563 úlginiń 26 paıyzy zańǵa sáıkes emes. Tıisti talaptarǵa saı kelmeıtin azyq-túlik ónimderiniń 86 paıyzy Qazaqstandy qosa alǵanda Kedendik Odaqqa múshe memleketterdiń ónimderi, 4 paıyzy alys shem memleketterge tıesili. Mıkrobıologııalyq kórsetkishterge saı kelmeıtin 56 azyq-túlik óniminiń úlgisi anyqtaldy»,-dep habarlaıdy oblystyq qoǵam densaýlyǵyn qorǵaý departamenti jetekshisiniń orynbasary Amantaı Jumaǵalıev.
Onyń aıtýynsha, zańbuzýshylyqtar birinshi kezekte taýardyń belgisine baılanysty týyndaýda. Bul kórsetkish qazir 88 paıyzdy qurap otyr. ıAǵnı onda azyq-túlik óniminiń ataýy men ony daıyndaýshy, daıyndaıtyn orynnyń mekenjaıy men tutynýǵa bolatyn merzim, ónimniń quramy men ony saqtaý týraly málimetter joq. Tekserý nátıjeleri boıynsha, 37 ákimshilik quqyqbuzýshylyq jóninde is qozǵalyp, kinálilerge 3 mln teńge kóleminde aıyppul salyndy.
