Atyraýda taǵy da eki kún ystyq sý berilmeıdi

ATYRAÝ. QazAqparat – Atyraý qalasynda taǵy da eki kún ystyq sý berilmeıdi, dep habarlaıdy QazAqparat.

Budan buryn Atyraýda ystyq sý berý bir aptaǵa toqtatylǵan bolatyn.

Endi «Atyraý jylý jelileri» AQ taǵy da eki kún boıy ystyq berýdi toqtatýǵa sheshim qabyldady.

«Kúrdeli jóndeý júrgizýdiń jospar-kestesine sáıkes joǵary qysymdy qubyrlardyń gıdravlıka tyǵyzdyǵyna synaqtar júrgiziletin bolady. Osyǵan baılanysty, eki kúnge – 22 jáne 23 qyrkúıekte qalanyń barlyq jylý pýnktinen ystyq sý berý ýaqytsha toqtatylady» -dep aqparat taratty atalǵan kásiporynnan.

Kásiporyn synaq júrgizý kezinde qubyrlarǵa qaýipsizdik úshin jaqyndamaı, 5-10 metrden aınalyp ótýge keńes berip otyr.