Atyraýda taǵy da balyqtar qyrylyp jatyr
ASTANA. QazAqparat - Atyraýda taǵy da balyq qyryla bastady. Bul joly alabuǵa, torman, qylyshbalyq sekildi qara balyqtardyń qyrylý deregi Jumysker jáne Geolog yqsham aýdandary mańynda tirkelgen, dep habarlaıdy KTK.
«Qazirgi kezde ekologııa departamenti tarapynan jospardan tys tekserister bastaldy. Bul birinshi orynda «Atyraý Sý Arnasyna» qatysty, «Atyraý Sý arnasyna» tekseris múddeli oryndardyń mamandary tartylyp, qazirgi tańda sý synamalary alyndy», - deıdi Atyraý oblystyq ekologııa departamenti bastyǵynyń orynbasary Qaıratqalı Haırýlla.
Qazir óli balyqtardy jınaýmen eriktiler aınalysýda. Mamandar bul joly sý jándikteriniń qansha kólemde qyrylǵandyǵyn naqty aıta almaı otyr.
Esterińizge salsaq, balyqtardyń qyrylýyna sebep bolýy múmkin delingen ózge úsh mekeme: «Atyraý Jylý elektr ortalyǵy», «Jaıyq-Atyraý bekire balyq ósirý» jáne «Atyraý bekire balyq ósirý» zaýyttaryna qatysty tekserister endi bastalady.
Al, osy ýaqytqa deıin oryn alǵan derekter boıynsha tekseris qorytyndysy jeltoqsannyń 28-i kúni belgili bolmaq.
