Atyraýda taǵy bir jasóspirim sýǵa aǵyp ketti
ATYRAÝ. QazAqparat - Atyraý qalasynda taǵy bir jasóspirim sýǵa aǵyp, kóz jumdy, dep habarlaıdy QazAqparat tilshisi.
«2003 jylǵy týylǵan jasóspirimniń denesi keshe saǵat 18.45-te Atyraý qalasyndaǵy Kýrılkın kentindegi Jaıyq ózeninen tabyldy. Іzdeý jumystaryna Batys óńirlik aeroutqyr jedel-qutqarý jasaǵynyń 6 qyzmetkeri men arnaıy tehnıkasy, qaıyqtar jumyldyryldy. Jasóspirim sýǵa túsýge tyıym salynǵan jerde batyp ketken», - dep habarlady oblystyq TJD baspasóz qyzmetinen.
Eske sala ketsek, Atyraý oblysynda ótken seısenbi kúni birden eki adam - 8 jasar bala men 15 jastaǵy jasóspirim sýǵa ketken bolatyn. 22 maýsym kúni Aqjaıyq aýylyndaǵy jasóspirimniń denesi tabyldy. Taldykól kentindegi 8 jasar balanyń denesi áli tabylmady. Іzdeý jumystary júrgizilip jatyr.
