Atyraýda sút ónimderinen alynǵan 48 synamanyń talapqa saı emestigi anyqtaldy
Atyraý oblystyq sanıtarııalyq-epıdemıologııalyq departamentiniń bas mamany Gúljamal Jubanyshevanyń málimetinshe, jyl basynan beri sút jáne sút ónimderinen 181 synama alynǵan.
«Maqsat – Eýrazııalyq ekonomıkalyq odaqtyń tehnıkalyq reglamentteriniń, biryńǵaı
sanıtarlyq-epıdemıologııalyq jáne gıgıenalyq talaptarynyń sáıkestigin zerdeleý.
Synama qorytyndysymen tehnıkalyq reglamentterde belgilengen talaptarǵa 48 synama
sáıkes kelmedi. Óıtkeni synamadan fızıko-hımııalyq kórsetkishter, synamadan
tańbalanýy boıynsha sáıkessizdik anyqtaldy. Mundaı sáıkessizdiktiń negizgi úlesi
ımporttyq sút ónimderine tıesili bolyp otyr. Bul kórsetkish jalpy sáıkes emes ónimniń
26,5%-yn quraıdy. Osyǵan baılanysty kásipkerlik sýbektilerine el zańnamasynyń
talaptaryn buzýshylyqtardy joıý týraly nusqama berilip, tártibi túsindirildi», -deıdi
GÚljamal Jubanysheva.
Onyń aıtýynsha, satýǵa arnalǵan sút ónimderiniń syrtqy qorabynda ónimniń taýar
belgisi, taza salmaǵy, quramy, partııanyń nómiri, sondaı-aq, daıyndaý jáne jaramdylyq
merzimi bolýy tıis. Al, satyp alý kezinde ónimniń qaýipsizdigin rastaıtyn qujattary men
sáıkestigi týraly deklaratsııasy bolýy kerek. Ónimderdiń saqtalý, tasymaldaý
erejeleriniń buzylǵany anyqtalǵan jaǵdaıda tutynýshy jergilikti sanıtarııalyq-
epıdemıologııalyq baqylaý basqarmasyna habarlaı alady.
«Eýrazııalyq ekonomıkalyq komıssııa keńesiniń 2013 jylǵy 9 qazandaǵy №67 sheshimimen
Keden odaǵynyń «Sút jáne sút ónimderiniń qaýipsizdigi týraly» tehnıkalyq reglamenti
qabyldanǵan edi. Bul reglament mindetti túrde saqtalaýy qajet», -dep málim etti
Gúljamal Jubanysheva.