Atyraýda sýrdo-onlaın qyzmeti iske qosyldy
ATYRAÝ. QazAqparat - Atyraýda sýrdo-onlaın qyzmeti iske qosyldy. Bul týraly búgin Óńirlik kommýnıkatsııalar qyzmetinde ótken baspasóz máslıhatynda «Azamattarǵa arnalǵan úkimet» memlekettik korporatsııasy» kommertsııalyq emes AQ Atyraý oblysy boıynsha fılıaly «Halyqqa qyzmet kórsetý ortalyǵy» departamentiniń basshysy Turlan Nurjanov málim etti.
«Buǵan deıin estimeıtin, sóıleı almaıtyn múmkindigi shekteýli azamattar úshin, Halyqqa qyzmet kórsetý ortalyǵynyń ár bóliminen eki mamanǵa sýrdoaýdarma tilin úıretken bolatynbyz. Sáýir aıynan bastap, sýrdo-onlaınnyń kómegimen múmkindik tipten artty. Mundaı sanattaǵy azamatqa endi kez kelgen maman qyzmet kórsete alady. Ol úshin ár bólimde arnaıy tereze ornatylǵan. Mamannyń mindeti qyzmet alýshyny Astana qalasynda baılanysta otyrǵan operatorǵa qosý. Operator men kelýshi ózara sóılese beredi, al jergilikti maman Astanada baılanysta otyrǵan operatordyń daýysy arqyly, qandaı qyzmetke qajettilik týǵanyn bilip otyrady» dep atap ótti Turlan Nurjanov.
Atalmysh departament tarapynan esepti merzimde halyqqa 420 291 qyzmet kórsetildi. Onyń 287 442-si, ıaǵnı 68%-y elektrondy túrde júzege asyrylǵan.
Baıan Januzaqova
