Atyraýda sýpermarketterden 12 ret vıskı urlaǵan jigit ustaldy
Oblystyq polıtsııa departamenti baspasóz qyzmetiniń aqparatyna súıensek, urlyq 2 qarasha kúni saǵat 21:00 shamasynda bolǵan.
«Atyraý qalasynyń Almagúl shaǵyn aýdanynda ornalasqan sýpermarketten kúdiktiniń vıskı ishimdigin urlaǵan sáti vıdeoǵa túsken. Beınebaqylaý kamerasyn tekserý kezinde vıskı urlaǵan kúdiktiniń Atyraý qalasynda turatyn 1988 jylǵy er adam ekeni anyqtaldy. Onyń buǵan deıin birneshe sýpermarketten 11 ret vıskı ishimdigin urlaǵany belgili boldy» -dep málim etti departamenttiń baspasóz qyzmetinen.
Qazir atalǵan kúdiktige qatysty QR Qylmystyq kodeksiniń 187-babynyń 2-bóligimen (Birneshe ret jasalǵan usaq-túıek jymqyrý) qylmystyq is qozǵaldy. Sotqa deıingi tergeý júrip jatyr.
Eske sala ketelik, budan buryn Atyraýda zeınetkerdiń páterinen aqsha salynǵanyn sómkeni urlaǵan kúdikti ustalǵanyn habarlaǵan edik.