Atyraýda sýpermarketke «bomba qoıǵan» er adam tutqyndaldy
ATYRAÝ. QazAqparat - Atyraýda sýpermarketke bomba qoıylǵaly jatqandyǵy jóninde jalǵan habar taratqan er adam tutqyndaldy, dep habarlaıdy QazAqparat.
«Jalǵan habar taratqan adam buryn sotty bolǵan jáne jaqynda ǵana bostandyqqa shyqqan jergilikti turǵyn bolyp shyqty. Tergeý soty oǵan lańkestik áreketi daıyndalyp jatqany týraly jalǵan habar taratqany úshin 2 aı kóleminde qamaýda ustaý jazasyn taǵaıyndady», delingen oblystyq sottyń baspasóz habarlamasynda.
Málimet boıynsha, tutqyndalǵan er adamǵa QR QK 273-babynda (Lańkestik áreket daıyndalyp jatqany jóninde qasaqana jalǵan aqparat taratý) kórsetilgen qylmysty jasady degen aıyp taǵyldy. Bul bap boıynsha 6 jylǵa deıin bas bostandyǵynan aıyrý jazasy qarastyrylǵan.
