Atyraýda sýǵa ketken jigittiń denesi úsh kúnnen soń tabyldy
ATYRAÝ. QazAqparat – Atyraýda Jaıyq ózenine batyp ketken jigittiń denesi úsh kúnnen soń tabyldy, dep habarlaıdy QazAqparat.
Oblystyq Tótenshe jaǵdaılar departamenti baspasóz qyzmetiniń málimetinshe, úsh kún buryn sýǵa ketken jigittiń denesi búgin, 16 maýsymda saǵat 07:15-te tabylǵan.
Budan buryn 27 jastaǵy jigit 13 maýsymda Jaıyq ózeniniń Geolog kenti tusyndaǵy jaǵalaýynda dostarymen demalǵan. Alaıda, arnaıy jabdyqtalmaǵan jerde shomylyp, sýǵa ketken. Jedel qutqarý jasaǵynyń 3 qyzmetkeri ony úsh kún boıy izdegen.
Eske sala ketelik, budan buryn Atyraýda Jaıyqqa batyp ketken jigittiń tabylmaı jatqanyn habarlaǵan edik.
