Atyraýda sýǵa ketken 41 jastaǵy er adamnyń denesi tabyldy
ATYRAÝ. QazAqparat – Atyraý oblysyndaǵy Qıǵash ózenine sýǵa ketken 41 jastaǵy er adamnyń denesi tabyldy, dep habarlaıdy QazAqparat.
Oblystyq Tótenshe jaǵdaılar departamentiniń málimetinshe, qaıǵyly oqıǵa 15 shildede saǵat 21:56-da bolǵan.
«Qurmanǵazy aýdanyndaǵy Qıǵash ózeninde qaıyq aýdarylyp, 1979 jyly týǵan er adam sýǵa ketken. Ol Birlik aýyldyq okrýgi aýmaǵyndaǵy ıAgodkın ýchaskesiniń tusynda Qıǵash ózenin qaıyqpen kesip ótpekshi bolǵan. Ony izdeý keshe, 16 shildede saǵat 06:30-da bastalǵan edi. Іzdestirý jumysyna jumyldyrylǵan jedel qutqarý jasaǵynyń 4 qyzmetkeri 41 jastaǵy er adamnyń denesin 16 shildede saǵat 18:02-de tapty», -dep habarlady departamenttiń baspasóz qyzmetinen.
Eske sala ketelik, budan buryn Atyraýda qaıyq aýdarylyp, 41 jastaǵy er adam sýǵa ketkenin jazǵan edik.
