Atyraýda sýǵa batyp ketken jasóspirimniń múrdesi tabyldy
ATYRAÝ. QazAqparat - Atyraý oblysynda birneshe kún buryn sýǵa ketken jasóspirimniń denesi búgin tabyldy, dep habarlaıdy QazAqparat tilshisi.
«Jaıyq ózenine 19 maýsym kúni batyp ketken 2003 jylǵy jasóspirimniń denesi búgin saǵat 08-30-da sýdan shyǵaryldy. Qaıyqtaǵy 2 qutqarýshy kómegimen jergilikti turǵyndar jasóspirimdi taýyp alǵan. Oqıǵany kórgen kýágerlerdiń aıtýynsha, jasóspirim sýǵa túsýge tyıym salynǵan jerde batyp ketken», - dep habarlady oblystyq TJD baspasóz qyzmetinen.
Aıta ketý kerek, Atyraý oblysynda seısenbi kúni birden eki adam - 8 jasar bala men 15 jasóspirim sýǵa ketken bolatyn. Búgin tek jasóspiriminiń denesi tabyldy.
