Atyraýda sý ústindegi vokzal salynady
ASTANA. QazAqparat - Atyraýda ózen vokzalynyń jobasy daıyndalýda, dep habarlaıdy Atyraý oblystyq óńirlik kommýnıkatsııalar qyzmeti.
Bul týraly Atyraý oblysynyń ákimi Serik Shapkenov jergilikti kásipkerler men taýar óndirýshilermen kezdesý barysynda málimdedi.
«Qazirgi tańda ákimdik jylý maýsymynda ózen tramvaılary júretin eki aılaqty bólip berdi. Biz sizdiń ruqsatyńyzben osy aýmaqty tazalap, kógaldandyryp, onda gúlder ósirip, oryndyqtar qoısaq dep edik, - dep ákimge usynysyn bildirdi «Amangeldi» JShS dırektory Sábıt Saǵıdýllın.
Bul saýalǵa Serik Shapkenov oń jaýabyn berdi.
«Men sizge aıtyp bereıin - Atyraýda ózen vokzalyn salǵymyz keledi, onyń jobasy ázirlenýde. Ol memlekettik-jekeshelik áriptestik negizinde júzege asyrylatyn bolady. Joba boıynsha, qaıda jáne qalaı ornatý kerektigin de aıta alamyz. Eger siz aýmaqty qabyldaýǵa daıyn bolsańyz, ony kógaldandyryp, ósirip, baptańyz jáne jańa jumys oryndaryn ashyńyz - bul keremet, biz sizge osy múmkindikti beremiz », - dedi ákim.
Qala əkiminiń aıtýynsha, Jaıyq - Eýropa men Azııa arasynda aǵyp jatqan biregeı ózen, ol Atyraý qalasyna arnalǵan vızıt kartochkasy bolyp sanalady, al sý ústindegi vokzal Qazaqstannyń munaıly astanasyna týrısterdi tartý úshin jańa múmkindik.
