Atyraýda statsıonarly polıtsııa beketi ashyldy
ATYRAÝ. QazAqparat- Atyraýda statsıonarly polıtsııa beketiniń saltanatty ashylý rásimi ótti, dep habarlaıdy QazAqparat tilshisi.
Atyraý oblysy ákiminiń birinshi orynbasary Serik Shapkenov bul beketter arqyly polıtsııa ýchaskelik ınspektorlary táýlik boıyna ózderine bekitilgen aýmaqtarda halyqpen tyǵyz qarym-qatynasta bolyp, polıtsııanyń halyqqa qajet jaǵdaıda dereý kómekke kelýine, quqyqbuzýshylyqtardyń barlyq túrine jedel áreket etýine jol ashylady degen senimin bildirdi.
«Kez kelgen aımaqtyń damý deńgeıi onyń qoǵamdyq tártibiniń deńgeıimen jáne azamattardyń quqyǵyn qamtamasyz etýimen anyqtalady. Jergilikti ákimdik tarapynan bul baǵyttaǵy el Prezıdentiniń tapsyrmasy tolyqtaı oryndalyp jatyr jáne quqyq qorǵaý organdarynyń mártebesin arttyrý baǵytynda biraz sharýa atqarylýda. Búgingi kórsetilgen qoldaý olardyń halyq aldyndaǵy mindetterin esh kedergisiz, adal oryndaýlaryna oń áserin tıgizedi degen senimdemin», - deıdi Serik Shapkenov.
Oblys prokýrory Halıdýlla Dáýeshovtyń aıtýynsha, joba aıasynda osyndaı statsıonarly polıtsııa beketteri ashyq, halyqqa kórinetin jáne yńǵaıly oryndarda, erkin túrde kirýge múmkindik beretin, halyq pen polıtsııa qyzmetkerleriniń qaýipsizdik talaptaryna saı jerlerde ornatylatyn bolady.
«Joba jergilikti atqarýshy jáne prokýratýra organdarymen birlesip ázirlengen. Beket qylmystylyq kartasymen, zamanǵa saı jabdyqtarmen, kompıýtermen jáne QR ІІM-niń arnaıy bazasymen qamtamasyz etiledi. Bolashaqta osy beketter táýlik boıyna jumys istep, qylmystyq jaǵdaıdy oǵaltýǵa yqpal etetin bolady. Sondaı-aq kez kelgen quqyq buzýshylyqqa jedel áreket etip, oblys ortalyǵyndaǵy qoǵamdyq tártipti saqtaýdy qamtamasyz etedi», - deıdi Atyraý qalaasynyń prokýrory Arshat Taıtýllın.
